ព្រឹកថ្ងៃអាទិត្យ ទី២៤ ខែកញ្ញា ឆ្នាំ២០២៣ ឯកឧត្តម អ៊ឹង លាងហ៊ួ សមាជិកគណ: កម្មការ បានអញ្ជើញជាគណៈអធិបតីក្នុងកិច្ចប្រជុំជាមួយក្រុមប្រឹក្សាឃុំ ស្មៀនឃុំជំនួយការស្មៀន មេប៉ុស្តិ៍រដ្ឋបាលឃុំ លោកប្រធានភូមិ សរុបចំនួន១៥រូប ស្ថិតនៅសាលាឃុំកំពង់អុស ស្រុកជលគិរី ខេត្តកំពង់ឆ្នាំង ដើម្បីឈ្វេងយល់ពីសភាពការណ៍ទូទៅរបស់ឃុំ និងផែនការបន្ត។ បន្ទាប់ពីបានស្ដាប់របាយការណ៍លោកមេឃុំរួចមកឯកឧត្តម បានកោតសរសើរ និងវាយតម្លៃខ្ពស់ ចំពោះកិច្ចខិតខំកន្លងមកក្នុងការដឹក នាំដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ នៅមូលដ្ឋានឃុំឲ្យទទួលបានជោគជ័យដ៏ត្រចះត្រចង់ ការក្សាបានសណ្ដាប់ធ្នាប់សង្គម ការត្រៀមលក្ខណ:សម្រាប់បង្កបង្កើនផល ស្រែ ចម្ការ នារដូវសម្រក…។ កុំស្កប់ស្កល់ចំពោះស្នាដៃសម្រចបានកន្លងមក ត្រូវបន្តសាមគ្គីភាពផ្ទៃក្នុង យកចិត្តទុកដាក់អភិវឌ្ឍមូលដ្ឋាន អនុវត្តគោលនយោបាយភូមិ ឃុំ មានសុវត្ថិភាព យកវិធានការអប់រំធ្វើជាមូលដ្ឋាន មុនអនុវត្តវិន័យរដ្ឋបាល ច្បាប់ បន្តខំដោះស្រាយទំនាស់ក្រៅប្រព័ន្ធតុលាការ ត្រៀមពិនិត្យឈ្មោះ និងចុះឈ្មោះបោះឆ្នោតតាមការណែនាំរបស់ គ.ជ.ប ត្រៀមចូលរួមការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ និងការបោះឆ្នោតលើកទី៤ ជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុម ប្រឹក្សាស្រុក /ក្រុង /ខ័ណ្ឌ ឆ្នាំ ២០២៤ មុននឹងបញ្ចប់ឯកឧត្តម បានបង្ហាញសង្ខេបជូនពីយុទ្ធសាស្ត្របញ្ចកោណតំណាក់កាលទី១ នៃរាជរដ្ឋាភិបាលថ្មីយើង។